Regionun səsi olacağıq!

Riatv.az

Prezident İlham Əliyev Eldar Quliyevi təbrik edib

SON DƏQİQƏ! Prezident sərəncam imzaladı

Paşinyan: “Bayden gəldisə, Putin gedə bilər” - VİDEO

Son Xəbərlər

Nadir İsrafilov: “Məktəblilərin ənənəvi formada təhsilə başlaması istisna deyil”

20-01-2021, 14:30

Erməni qadını əlində bıçaqla mənə hücum elədi - Hərbçimizdən sensassion müsahibə

16-01-2021, 21:20

“Türkiyə Azərbaycanla birləşir və sonra Cənubi Azərbaycanı İrandan alır” - ŞOK TƏHLİL

15-01-2021, 16:51

“Paşinyan qapalı danışıqların sirrini açdı” — ŞOK DETALLAR

13-01-2021, 23:19

“Laçın dəhlizinə girişə mütləq nəzarət etməliyik” - AÇIQLAMA

11-01-2021, 10:07

“Pandemiya dönəmində nevroz insanların davranışları daha çox gözə çarpan oldu...”

8-01-2021, 11:09

“Qarabağ Dirçəliş Fondu” dünya azərbaycanlılarının birlik fonduna çevrilməlidir”

7-01-2021, 16:18

“Gedişhaqqı, suyun və elektrik enerjisinin də qiyməti bahalaşacaq”

5-01-2021, 20:03

“Rusiya artıq bölgədə təkbaşına “at oynada” bilməz”

4-01-2021, 02:14

44 GÜNLÜK VƏTƏN MÜHARİBƏSİNİN QƏHRƏMANLARINDAN BİRİ POLKOVNİK-LEYTENANT ƏLİYEV DƏYANƏT VƏLİ OĞLUDUR-FOTO

3-01-2021, 21:50

Önceki Sonraki

Yukarı

Xüsusi karantin rejimi dövründə Azərbaycan Respublikasında fəaliyyət göstərən ümumi təhsil müəssisələrində tədris və təlim-tərbiyə prosesinin distant (məsafədən) formada təşkili ilə əlaqədar Təhsil Nazirliyi Kollegiyası "Xüsusi karantin rejimi dövründə ümumi təhsil pilləsində təhsilalanların attestasiyasının (məktəbdaxili qiymətləndirmənin) aparılmasının müvəqqəti Qaydası” nı təsdiq edib.

RiaTV.az xəbər verir ki, Qaydalarda diqqət yetiriləsi məqamlar aşağıdakılardır:

1. II-XI siniflərdə bütün fənlər üzrə summativ qiymətləndirmə fənni tədris edən müəllim tərəfindən distant formada yarımilin sonunda bir dəfə olmaqla aparılır.

2. Summativ qiymətləndirmənin nəticələri 100 ballıq şkala ilə ölçülür və qiymətləndirmədə test, inşa, çalışma, şifahi sorğu, yaradıcılıq və əl işləri, layihə kimi vasitələrdən istifadə olunur. 45-60 dəqiqə ərzində təşkil olunan summativ qiymətləndirmə nəticəsində müəyyən edilmiş ballar şagirdlərin yarımillik balları və qiymətləri hesab olunur və sinif jurnalında müvafiq qaydada yazılır.

3. Üzrsüz səbəbdən summativ qiymətləndirmədə iştirak etməyən təhsilalanın həmin qiymətləndirmələr üzrə balı "0” qəbul olunur. Təhsilalan summativ qiymətləndirmədə üzrlü səbəbdən (xəstəlik (tibbi arayış təqdim edildikdə), bədbəxt və fövqəladə hadisə, sürətli internet bağlantısı və ya internetə çıxışı olmadıqda, texniki imkanları məhdud olduqda) iştirak edə bilmədikdə, müvafiq qiymətləndirmə günündən sonra növbəti 1 (bir) ay müddətində onun üçün summativ qiymətləndirmə təşkil edilir. Sürətli internet bağlantısı və ya internetə çıxışı olmaması səbəbindən şagirdin qiymətləndirmədə iştirak edə bilməməsi halında təhsil müəssisəsi tərəfindən qanunvericilikdə müəyyən edilmiş tələblər gözlənilməklə şagirdin əyani formada qiymətləndirmədə iştirakı üçün müvafiq şərait yaradılması təmin olunur. Qeyd olunan müddətdə təhsilalan qiymətləndirmədə hər hansı səbəbdən iştirak etmədikdə qiymətləndirmə üzrə balı "0” qəbul olunur.

4. Distant formada summativ qiymətləndirmənin təşkili zamanı Microsoft Teams ilə yanaşı, Zoom, Whatsapp, Skype və s. digər elektron tətbiqlərdən istifadə oluna bilər.

5. Sürətli internet bağlantısı və ya internetə çıxışı olmaması səbəbindən şagirdin qiymətləndirmədə iştirak edə bilməməsi halında təhsil müəssisəsi tərəfindən şagirdin əyani formada qiymətləndirmədə iştirakı "İmtahanlar zamanı koronavirus infeksiyasının (COVİD-19) profilaktikasına dair metodiki göstərişlər” nəzərə alınaraq təmin olunmalıdır.

6. "Xüsusi karantin rejimi dövründə ümumi təhsil pilləsində təhsilalanların attestasiyasının (məktəbdaxili qiymətləndirmənin) aparılmasının müvəqqəti Qaydası" xüsusi karantin rejimi dövründə ümumi təhsil müəssisələrində tədris və təlim-tərbiyə prosesinin distant (məsafədən) formada təşkili müddətində qüvvədədir.

7. "Xüsusi karantin rejimi dövründə ümumi təhsil pilləsində təhsilalanların attestasiyasının (məktəbdaxili qiymətləndirmənin) aparılmasının müvəqqəti Qaydası” qüvvədə olduğu müddətdə "Ümumi təhsil pilləsində təhsilalanların attestasiyasının (məktəbdaxili qiymətləndirmənin) aparılması Qaydası” bu Qaydaya zidd olmayan hissədə tətbiq edilir.